الحلقه الرابعه..
امنيه : حنان من الاخر كده جمال بيحبك من غير لف ولا دوران
حنان بصدمه : يحبني انا
امنيه : ايوه بيحبك ومن كتر خوفه انه يخسرك محبش يعترفلك بحبه لانو خايف يجاذف في انك تبعدي عنه ويبقى خسرك للأبد كصديقه
بصي انا عارف ان الموضوع جه فجأه بس انا مبعرفش اذوق الكلام واوعديني متخسريش جمال كصديق لو مش هتكوني حبيبته
قاطعتها ساره وهي تبتسم ابتسامة فرح شديده : تخسر ايه يابنتي دا حنان………….. سكوت لساره بعد نظره حنان الحاده والقاسيه لها..
امنيه : مالك ياساره سكتي ليه وانتي ياحنان بتبصيلها كده ليه هو في ايه بالضبط فهموني.
حنان : مفيش حاجه يا امنيه
امنيه : انتي هتخبي عليا يا حنان والله هزعل منك بجد
ساره : امنيه من الاخر كده حنان بقالها فتره بتحب جمال وخايفه تعترفله بحبها ف ميكونش بيبادلها نفس الشعور، يعني تقدري تقولي شعور متبادل
نظرت حنان لساره نظره غضب وقالت : انا ماشيه وبدأت تمشي بخطوات سريعه الي خارج الكفتيريا متجهه لباب الجامعه للخروج نهائيا منها
ساره : يالهوي حنان كده زعلت يخربيتك يا امنيه
امنيه بفرحه شديده : اسكتي دانا هطير من الفرح شلتنا كلها ارتبطت الا انا وانتي يابومه
ساره : ههههههههه شوفي انا بكلمك في ايه وانتي بتكلميني في ايه، وربنا انتي مصيبه
امنيه تمسك الهاتف خاصتها وترن على جمال الذي ينتظر مكالمتها على أحر من الجمر
جمال يرد بلهفه :خير يا امنيه طمنيني
امنيه : جمال عامل ايه
جمال : انا كويس يا امنيه مش وقت عامل ايه دلوقتي المهم عملتي ايه
امنيه : عملت ايه ف ايه
جمال بثرثره وغضب : انتي هتستهبلي يا امنيه عملتي ايه مع حنان
امنيه : آآآآآآه حنان تصدق نسيت
جمال بغضب : نسيتي..!!، وحيات امك
امنيه : ملكش دعوه بأمي
جمال : اخلصي عملتي ايه، سبع ولا ضبع
امنيه : كلب
جمال : يعني ايه يا امنيه بطلي هزار انا على اعصابي
امنيه : كل ده مفهمتش، انتا حمار يلا، ا يعني قالت لا بالثلث
جمال : بتتكلمي بجد يا امنيه
امنيه : بتكلم بجد ياقلب امنيه
جمال بغضب : طب غوري ف داهيه وانا غلطان والله اني خليتك كلمتيها، ياريتني صدقت محمد لما قال انك هتودينا ف داهيه
امنيه : الله الله الله هيا بقت كده تصدق يلا انا استاهل ضرب الجزمه اني احرجت نفسي معاك، يلا غور في ستين داهيه
جمال : تشكري ياستي يلا سلام
امنيه : جمال
جمال بحزن : نعم يا امنيه
امنيه : حنان بتحبك زي مبتحبها
جمال وكاد قلبه ان يتوقف فرحاً : بتتكلمي بجد
امنيه تغلق الهاتف في وجهه، كاد جمال ان يجن وعاود الاتصال بها عدة مرات دون اجابه منها
ذهب جمال مسرعا الي المنزل وفتح الباب بقوه وهو يتقدم بسرعه نحو محمد
جمال : محماااااد قوم يلا الحقني قلبي هيقف
محمد : وهو مغمض عينيه وبصوت خافت يابني حرام عليك ارحمني انا بقالي يومين منمتش وبعدين في حد يصحى حد كده
قام جمال بنزع الغطاء من على وجه محمد : مش عاوز تفرح لصاحبك ياصاحبي
فتح محمد عينيه : خير ياصاحبي افرحلك على ايه
جمال احتضن محمد كالمجنون حنان طلعت بتحبناااااااااااي انا مش مصدق نفسي
محمد : ههههههه يابن المجانين اهدي طيب السرير هيتكسر بينا، الف مبروك ياصاحبي عرفت ازاي
جمال : الله يبارك فيك ياقلب صاحبك، البت امنيه بنت الجزمه اتكلمت معاها وعرفت منها انها بتحبني وبعدها قفلت ومش راضيه ترد عليا
محمد : هفوق انا واكلمهالك
جمال بعد ان نزع الغطاء من على محمد وامسك هاتف محمد من جواره ووضعه في يده : لا تفوق ايه وانا هستني لما تفوق تكلمها دلوقتي
محمد : حاضر ياعم
امسك محمد بهاتفه ثم رن علي امنيه فردت امنيه فورا
امنيه : قلبي ياقلبي ياقلبي
محمد : صباح الخير يا ايمو
امنيه : صباح الخير ايه قول مساء الخير احنا بقينا المغرب
محمد : يابنتي انا لو سابني جمال كنت نمت لبكره الصبح
امنيه : ههههههههه نوم الهنا ياقلبي
محمد : عملتي ايه يا امنيه ف موضوع جمال وحنان
امنيه: تمام البنت بتحبه
قصت امنيه على محمد مادار بينها وبين حنان وساره من حوار ثم اغلق معها محمد الهاتف وقص على جمال مادار بينه وبين امنيه
فرح جمال كثيرا بما سمع واحتضن محمد بقوه : ربنا ميحرمني منكم ياصاحبي
في صباح اليوم التالي وجمال لم ينم طيلة الليل فرحآ انه سوف يقابل حنان حبيبته بالجامعه
جمال : محمد قوم يلا علشان نروح الجامعه
محمد : جامعه ايه يابني دلوقت لسه بدري
جمال : بص انا على أخرى علشان خاطري قوم
محمد : حاضر ياعم قومت اهو
بعد ان ارتدي محمد وجمال ملابسهم وتوجهو الي الجامعه ودخلوها ثم دخلو قاعة المحاضرات بدأ جمال يتلفت في ارجاء القاعه بحثا عن حنان ولكن لم يجدها
بدأ الحزن يظهر على وجه جمال وبدأت ملامحه تتغير،
نظر محمد الي جمال : اهدا بقى ولما المحاضره تخلص هنشوف الدنيا فيها ايه
بعد انتهاء المحاضره توجه محمد الي ساره يسألها عن حنان
محمد : ازيك ياساره
ساره : بخير الحمدلله يامحمد انت عامل ايه وجويريه عامله ايه دلوقتي ؟
محمد : بخير الحمدلله، هيا حنان مجاتش الجامعه ليه النهارده.؟
ساره : معنديش فكره والله ثانيه ارن عليها
أمسكت ساره هاتفها ورنت على حنان اكثر من مره فلم تجيب
بدأ القلق يسيطر عليها خوفا من أن يكون أصابها اي مكروه
ساره : حنان مبتردش يامحمد ايه العمل انا قلقانه عليها جدا
محمد : اهدي ياساره مفيش حاجه ان شاءالله وانا هتصرف
اتجه محمد نحو أصدقائه ثم قص عليهم مادار بينه وبين ساره ثم وجه الحديث لميرنا وامنيه: ياميرنا خدي امنيه وساره وروحو زورو حنان في بيتهم شوفو مجاتش النهارده ليه وكمان ليه مبتردش على موبيلها
ميرنا : من غير متقول ياكبير اكيد هنزورها
توجهت ميرنا وساره وامنيه الي منزل حنان
طرقت ساره الباب فأجاب والد حنان : مين على الباب
ساره : انا ساره ياعمي
فتح والد حنان الباب : اهلا يابنتي اتفضلو
ساره : يزيد فضلك ياعمي، هي حنان فين
والد حنان : ثانيه وحده هندهالكم حالا اتفضلو
جلس أصدقاء حنان في الشرفه الي ان أتت حنان فقامت بمصافحة اصدقائها واحتضانهم ثم قالت ساره: ايه ياحنان مبترديش على موبايلك ليه احنا قلقنا عليكي
حنان امت برأسها ونظرت في موضع قدميها
امنيه: ممكن ندخل اوضتك يا حنان ونتكلم مع بعض شويه
حنان : اكيد يا امنيه اتفضلو
دخل أصدقاء حنان الي غرفتها ثم اغلقت ساره باب الغرفه
بدأت امنيه بالحديث قائله : حنان كلنا نعرف انك كويسه ومجيتيش النهارده الجامعه بسبب موضوع امبارح، ولو عاوزه تعتبري الموضوع ده متكلمناش فيه من البدايه انا اقدر انهي الموضوع فورا بس معتقدش ان كليتك ومستقبلك ليهم دعوه بقرار ارتباطك
حنان : امنيه جمال ولد كويس وانا ابقى بكذب عليكي لو قلتلك مش بحبه بس ياترا شكلي ايه دلوقتي قدامه لما عرف اكيد هيفتكر اني بنت مش كويسه
تقطع ميرنا حديثها وترد بغضب : انتي عبيطه يابنتي متعصبينيش اذا كان هو اختارك من وسط كل البنات اللي في الجامعه انك تشاركيه حياته، هو لو مش عارف انك اكتر انسانه محترمه في الدفعه مكانش اختارك، بطلي غباء بقى
حنان : بس….
امنيه : مبسش ياحنان ميرنا عندها حق جمال بيحبك وانتي بتحبيه وانتو الاتنين اعترفتو بحبكم لبعض وانتهينا، ويلا بقى شدو حيلكم علشان نفرح فيكم اقصد نفرح بيكم
يضحك الجميع ضحكه عاليه تدخل عليها والدة حنان الغرفه بعد ان تطرق الباب: هاااا بتضحكو على ايه ضحكوني معاكم
امنيه : لا ياطنط احنا بنضحك على بنتك
والدة حنان : ربنا يديم عليكم الضحك يابنتي
امنيه : تسلمي ياطنط ربنا يخليكي يلا بينا يابنات نستأذن احنا
والدة حنان : ميصحش كده لازم تتغدو معانا.
امنيه : معلش ياطنط احنا يادوب نلحق علشان منتأخرش واكيد هنتغدي عندكم يوم فرح حنان ونتعشى كمان
والدة حنان : تسلميلي ياحبيبتي عقبال مفرح بيكي يارب
امنيه : يارب ياطنط بالاذن
خرج أصدقاء حنان من منزلها بعد مصافحتم لها والتأكيد على أنها لابد من حضورها بالغد للجامعه
في منزل محمد
جمال : تفتكر البنات هيعملو ايه وتفتكر حنان تعبانه
محمد : متتعبناش بقي ياعم واهدا وياخبر بفلوس بكره يبقى ببلاش
يقطع حديثهم صوت رنين هاتف محمد
محمد : اهو ياعم آمنيه بتتصل
جمال : ونبي افتح المايك عاوز اسمع المكالمه
يجيب محمد علي الهاتف ويقوم بفتح المايك لجمال ليسمع المكالمه، قصت امنيه على محمد كل مادار في منزل حنان ثم اغلقت
قام جمال باحتضان محمد : انا هطير من الفرحه
محمد : اقعد بقى ياعم متخايلناش والله معارف بتحب فيك ايه
جمال : بقى كده طب خد، قام جمال بالقاء الوساده على وجه محمد
محمد : هههههههههه ماشي ياعم ماشي مهو ده آخرة المعروف
جمال : اه هو ده اللي عندي واللي عندك اعمله
محمد : ههههههههه لا ياعم معنديش حاجه
وانتهى اليوم في سعاده تامه بين جميع الأصدقاء
في صباح اليوم التالي وكالعاده توجه محمد وجمال الي الجامعه والتقوا مع أصدقائهم بكافتريا الجامعه، بدآو بمصافحه بعضهم وبعد الجلوس
جمال : امنيه هو حنان مجاتش
امنيه : لا لسه
ميرنا قطعت كلامهم : ساره لسه مكلماني وقالتلي انها هيا وحنان على وصول
وقبل ان تكمل حديثها دخلت عليهم ساره بصحبة حنان، القو السلام ثم بدأو بالجلوس
لم ترفع حنان عينها من الأرض كمان ان جمال لم يرفع عينه من عليها
محمد : حنان مش خلاص بقى انتي هتفضلي كده لامتى
حنان :………
محمد : علشان خاطري بلاش كسوف احنا كلنا صحاب ومفيش بينا حد غريب، ثم نظر لجويريه مازحا، غير جويريه
الجميع : ههههههههه
جويريه : اخص عليك يامحمد برضه كده انا غريبه وسطكم
محمد : بهزر معاكي ياقلبي هو انا لو مكنتش اهزر معاكي انتي ههزر مع مين
جويريه : ربنا يخليك ليا
ميرنا : احم احم نحن هنا، ثم وجهت الكلام لحنان قائله : اتعلمي يابنت الموكوسه
الجميع : ههههههههههه
كانت الجلسه كلها خفيفه مرحه والكل سعيد جدا بما حدث فالكل كان يحب حنان وجمال كثيراً والكل كان سعيد بارتباطهم
بعد انتهاء اليوم الدراسي وتجمع الاصدقاء قبل المغادره
محمد : يلا بينا يا جمال
جمال : لا روح انتا انا هخرج مع حنان شويه
محمد مازحا : طيب ياحنووون
الجميع : ههههههههه
جمال : امشي يابارد
محمد : حاضر ياعم انا ماشي
صافح محمد أصدقائه ثم خرج من الجامعه متجهاً الي المنزل وهو يمشي بجوار سور الجامعه إذ بفتاه اتيه امامه وجهها لوجهة ثم سقطت امامه مغميا عليها
توجه محمد مسرعا إليها ونزل على ركبتيه : يا انسه يا انسه فيكي ايه طب فوقي طيب
كانت الفتاه مغميا عليها تماما
قام محمد بإحضار تاكسي بسرعه وبمساعدة اثنين من الفتيات المارين امام الجامعه قاموا بحملها الي التاكسي ثم بسرعه توجه بها إلى أقرب مستشفى
قامو بإحضار سرير واخذ المريضه الي الداخل لكن تم ايقاف محمد بالخارج في الاستعلامات وقامو باخذ بطاقته الخاصه كاجراءات لقبولها بالمستشفى لأنها كانت مستشفى خاصه لم يتردد محمد لحظه في إعطائهم بطاقته الخاصه وطلبوا منه رسوم 1000 جنيه تحت الحساب فاعطاها لهم
في نفس الوقت سمع صوت هاتف يرن في الشنطه الخاصه بالفتاه، ف التمريض اعطي محمد كل متعلقات الفتاه عند دخولها
نظر محمد الي الهاتف إذ بوالد الفتاه هو من يتصل بها
قاَم محمد بالاجابه مسرعا : السلام عليكم
والد الفتاه بدهشه : وعليكم السلام انتا مين
محمد : متقلقش ياعمي انا اسمي محمد و بنتك كانت معديه من قدام الجامعه وسقطت على الأرض فجأه قدامي وانا نقلتها للمستشفى بسرعه
ومن ثم اعطي محمد والد الفتاه عنوان المستشفى ليحضر سريعاً
قليل من الوقت حتي حضر والد الفتاه وسأل محمد عن ما حدث فقص محمد عليه القصه
والد الفتاه : انا متشكر جدا يابني على موقفك النبيل ده
محمد : لا ياعمي انا معملتش غير اللي كان واجب يتعمل ثم توجه الاثنين الي الاستعلامات ليأخذ محمد بطاقته الخاصه ثم ال1000 جنيه التي دفعها وقبل ان يأخذ محمد اغراضه إذ ببعض أفراد الشرطه يسألون عن فتاه دخلت مغمي عليها برفقه شاب منذ قليل
فيجيب فرد الاستعلامات الفتاه جاءت مع ذلك الشاب واشار الي محمد
فيجيب الضابط بحده : اقبضو عليه
محمد في ذهول : يقبضوا عليه انا، دا ليه حضرتك
الضابط : يعني انت مش عارف ليه، هاتوه
محمد : لا مش عارف ومش هتحرك معاكم من هنا غير لما اعرف انا عملت ايه، واحنا رايحين لفين، انا والدي ضابط شرطه وعرفني يعني ايه قانون
احترم الضابط والد محمد لان أفراد الشرطه يوجد بينهم الكثير من الحب والاحترام المتبادل
الضابط موجهاً كلامه لمحمد : تعالا نروح لاوضة البنت وانت هتفهم كل حاجه
محمد : معنديش مشكله اتفضل
دخل الضابط ومحمد ووالد الفتاه الي الغرفه فوجدوا معها الطبيب
سأل الضابط الطبيب عن ما حدث
اجاب الطبيب : والله يافندم انا جاتني الحاله دي مغمي عليها وبعد ماكشفت عليها واخدت منها عينات دم علشان اعملها الفحص الكامل لقيتها فاقت وبتقولي ان في شاب خطفها الصبح وهيا رايحه الجامعه واغتصبها في شقته وهي من الخوف اغمى عليها ولما اغمي عليها جابها للمستشفى خوفا انها تموت منه، واكدت اننا نلحقه قبل ميهرب من المستشفى، وبعدها انا اتصلت بأقرب قسم شرطه علشان نلحق المجرم ده قبل ميهرب..
وقف محمد في زهول مما يسمع وكأنه في حلم
محمد موجهاً كلامه للضابط : اقسم بالله انا لسه شايفها من ساعه، ثم قص على ضابط الشرطه الموقف من وقت رؤيتها الي تلك اللحظه التي يقف فيها امامه
الضابط : الكلام ده تقولو في النيابه للأسف يابني انا مقدرش افيدك بحاجه…………….
____………
ياترى مين البنت دي.؟ وليه بتعمل كده.. وهدفها ايه من اللي بتعمله ده..؟
وياتري محمد هيطلع منها ازاي وشكله هيكون ايه قدام اهله.؟
انتظروووونا..
رواية في بيتنا ساحره كامله حتي الفصل الاخير
